جے پور میں واقع حج ہاؤس میں 'ٹیم، آئی بی ایم'کی جانب سے نوجوانوں میں آئین کی بابت بیداری لانے کے لیے پروگرام منعقد کیا گیا۔ پروگرام میں قوانین سے متعلق نوجوانوں کو معلومات دی گئیں، ساتھ ہی میڈیا تک اپنی بات پہنچانے اور پولیس افسران کی ذمہ داریوں سے متعلق بھی بتایا گیا، اس سبب اس پروگرام نام 'ہمارا آئین' رکھا گیا تھا'۔
پروگرام سے متعلق جانکاری دیتے ہوئے 'آئی بی ایم' کے ممبر صابر قریشی نے بتایا کہ 'نوجوانوں میں ابھی اس بات کی سمجھ نہیں ہے کہ اگر کسی کو شخص کو پولیس بغیر کسی سبب حراست میں لیتی ہے، تو پولیس کو کیا یہ حق حاصل ہے کہ وہ اسے حراست میں لے'۔
انہوں نے کہاکہ 'قانون سے متعلق معلومات نہیں ہونے کی وجہ سے لوگوں کو پریشان کیا جاتا ہے، انہوں نے کہا کہ نوجوانوں کو قوانین سے متعلق معلومات ضرور ہونی چاہئے۔
مزید پڑھیں: کسان کی آواز کے سامنے اقتدار کا تکبر نہیں چلتا: پرینکا
انہوں نے بتایا کہ نوجوانوں میں بیداری لانے کے لیے اس طرح کے پروگراموں منعقد کیے جارہے ہیں اور آئندہ بھی ایسے پروگرام منعقد کئے جائیں گے، پروگرام میں کثیر تعداد میں لوگوں نے شرکت کی، ساتھ ہی اس دوران کورونا وبا کے تعلق سے جاری گائیڈلائن کا مکمل خیال کیا گیا۔
