ریاست راجستھان میں مادھیمیک سکشا بورڈ کی جانب گزشتہ روز 10 وی بورڈ امتحانات کے ماڈل پیپر جاری کیے گئے ہیں۔ جس میں اردو کے علاوہ انگریزی، ہندی، سنسکرت سمیت سبھی سبجیکٹ کو شامل کیا گیا ہے، اس معاملے کو لے کر امین قائم خانی نے ریاستی حکومت میں وزیر تعلیم گوند سنگھ ڈوٹاسرا پر اردو کو نظر انداز کرنے کا الزام عائد کیا ہے۔
امین قائم خانی نے کہا ہے کہ وزیر تعلیم گوند سنگھ کی وجہ سے ہی راجستھان میں اردو کے حالات دن بدن بدتر ہوتے جارہے ہیں اس لیے ہم راجستھان کے وزیراعلی اشوک گہلوت سے یہ مطالبہ کرتے ہیں کہ گویند سنگھ ڈوٹاسرا اور محکمہ تعلیم کے اعلیٰ افسران کو اس بارے میں پابند کریں کہ وہ جس طرح سے اقلیتی زبانوں کو نظر انداز کررہے ہیں یہ صحیح نہیں ہے۔