جے پور: کسانوں اور مختلف سماجی تنظیموں نے روکی ٹرین

مرکزی حکومت کی جانب سے لائے گئے نئے زرعی قوانین کی مخالفت میں آج کسان تنظیموں کی جانب سے ریل روکو مہم کا اعلان کیا گیا تھا۔ اس کے پیش نظر راجستھان کے مختلف اضلاع میں ٹرینوں کو روکا گیا۔

راجستھان کے دارالحکومت جے پور میں مختلف سماجی تنظیموں کے ذمہ داران اور عہدیداران کی جانب سے گاندھی نگر ریلوے اسٹیشن پر ٹرین کو روکا گیا۔

وہیں، تنظیموں کی جانب سے جے پور کے جگت پورہ علاقے میں ریل پٹریوں پر بیٹھ کر ٹرینوں کو روکا گیا۔

راجستھان ناگریک منچ کے صدر بسنت ہریانا نے بتایا کہ 'مرکز کی مودی حکومت کی جانب سے جو نئے زرعی قوانین لائے گئے ہیں وہ کسانوں کے خلاف ہیں اور کچھ لوگوں کو فائدہ پہنچانے کی نیت سے لائے گئے ہیں۔'

کسانوں اور مختلف سماجی تنظیموں نے روکی ٹرین

انہوں نے کہا کہ 'ان قوانین کو واپس لینے کے مطالبہ پر کسان تنظیموں کے اعلان کے بعد آج ٹرین کو روکا گیا ہے۔'

انہوں نے بتایا کہ جب تک مرکزی مودی حکومت کی جانب سے ان تین قوانین کو واپس نہیں لیا جاتا، تب تک ہم ان قوانین کی اسی طرح سے مخالفت کرتے رہیں گے۔'

کسانوں اور مختلف سماجی تنظیموں نے روکی ٹرین

وہیں، کسی طرح سے کوئی ماحول خراب نہیں ہو اس کے لیے کثیر تعداد میں راجسھتان پولیس کے جوان اور ریلوے پولیس کے جوان مستعد نظر آئے۔