چیف جسٹس اندرجیت مہنتی اور جسٹس پرکاش گپتا نے یہاں عبوری حکم میں چاروں ملزموں کے معاملے میں پیش ڈیٹھ ریفرینس اور ملزم شہباز کے خلاف حکومت کی اپیلوں پر سماعت کے دوران پیش عرضیوں کو نمپٹارہ کرتے ہوئے دیئے۔
عرضی میں کہا گیا ہے کہ معاملے میں پھانسی کی سزا پانے والے چاروں ملزموں کی جانب سے ہر کیس کی الگ الگ اپیل دائر ہونی ہے۔ اس طرح چاروں کی جانب سے مجموعی طور سے چالیس اپیل دائر ہونی ہے۔
یہ بھی پڑھیں:
راجستھان یونیورسٹی میں این ایس یو آئی نے احتجاج کیا
پورے معاملے میں تقریبا اکیس ہزار صفحات ہونے کی وجہ سے اپیلوں کو تیار کرنے میں وقت لگنا قدرتی ہے۔ عرضی میں سپریم کورٹ کے حکم کے مطابق سبھی دستاویزوں کا انگریزی میں ترجمہ کروانے کی بھی اپیل کی گئی تھی۔ عدالت نے عرضی کو قبول کرتے ہوئے معاملے کی اگلی سماعت نومبر کے آخری ہفتہ تک ملتوی کردی ہے۔
اس سے پہلے 18 مئی کو کورٹ نے بھی سبھی فریقوں کے وکیلوں کو تحریری طور پر اپنی اپنی بحث پیش کرنے کا حکم دیا تھا۔واضح رہے کہ جے پور شہر میں تیرہ مئی 2008 کو ہوئے آٹھ سیریل بم دھماکوں میں خصوصی عدالت نے بیس دسمبر 2019 کو ملزم محمد سلمان، محمد سیف، سیفو عرف سیف الرحمان اور محمد سرور کو پھانسی کی سزا سنائی تھی جبکہ ایک ملزم شہباز کو بری کردیا تھا۔
