صوفیہ خان کا اجمیر پہنچنے پر والہانہ استقبال

کشمیر سے کنیاکماری تک پیدل دوڑ مکمل کرنے والی اجمیر کی بیٹی صوفیہ خان آج اپنے گھر لوٹ آئی۔

اجمیر ریلوے اسٹیشن سے صوفیہ خان اپنے گھر ایک جیپ میں سوار ہوکر پہنچی جہاں راستہ میں جگہ جگہ عوام کی جانب سے صوفیہ کا شاندار استقبال کیا گیا۔
صوفیہ خان ملک کی پہلی خاتون رنر ہے جنہوں نے 87 روز میں 4035 کلو میٹر طویل فاصلے کا سفر دوڑ لگاکر طئے کیا ہے۔

صوفیہ خان نے بتایا کہ انہوں نے کشمیر سے کنیا کماری کا سفر انسانیت، بھائی چارگی اور وطن پرستی کے جذبہ کو فروغ دینے کے مقصد کے تحت کیا ہے۔انہوں نے کہا کہ اس سفر میں انہیں بہت سی مشکلات پیش آئی جبکہ سفر کے درمیان انہیں ہسپتال میں بھی شریک ہونا پڑا۔صوفیہ کا اجمیر پہنچنے پر بلالحاظ مذہب و ملت سبھی لوگوں نے ان کا شاندار استقبال کیا۔صوفیہ خان کا نام گنیز بک آف ورلڈ ریکارڈ میں درج ہونے کی توقع ظاہر کی جارہی ہے۔