مشتبہ دونوں مریض کی میاں بیوی ہیں جو شادی کے بعد ہنی مون منانے کے لیے چین گئے ہوئے تھے، اس سے قبل بھی اجمیر کشن گنج کا ایک شخص مذکورہ وائرس سے متاثر بتایا گیا تھا۔
اجمیر میں دو دنوں کے اندر کورونا وائرس سے متاثرہ مشتبہ دو مریض پائے جانے کے سبب ضلعی محکمۂ صحت کافی مستعد ہوگیا ہے اور اس کے سبب مریضوں کو جواہر لعل نہرو اسپتال کے آئسولیشن وارڈ میں رکھا گیا ہے۔
اس وائرس سے متاثر میاں-بیوی ضلع اجمیر کے علاقے کشن گڑھ کے بتائے جارہے ہیں جو چین میں ہنی مون منانے کے بعد 28 جنوری کو بھارت واپس آئے تھے اور اس دوران انھوں نے کہیں بھی اپنی طبی جانچ نہیں کرائی تھی اور نہ ہی محکمۂ صحت کی ٹیم ان تک پہنچ پائی۔
اس جوڑے نے جب سردی، زکام کی شکایت ہوئی تو انھوں نے پہلے ایک نجی اسپتال میں اپنا علاج کروایا اور وہاں جب انھوں نے بتایا کہ وہ فی الحال چائنا سے واپس لوٹ رہے ہیں تب انتظامیہ کو ان کی اطلاع دی گئی۔
سر دی، زکام کی شکایت پر انتظامیہ نے اس جوڑے کو حفظ ما تقدم کے تحت انھیں اسپتال کے آئسولیشن وارڈ میں داخل کرادیا ہے۔
کورونا وائرس کو پھیلنے سے روکنے کے لیے ضلعی محکمۂ صحت نے اپنی تمام تیاریاں مکمل کرلی ہیں اور اس کے ساتھ ہی انتظامیہ نے عوام سے اپیل کی ہے کہ وہ چین آنے والے لوگوں پر مسلسل نظر بنائے رکھیں اور سردی و زکام جیسی متعدد بیماریوں کا علاج نزدیکی اسپتالوں میں کروائیں۔
