راجستھان میں آج سنیچر کے روز صبح ساڑھے سات بجے ووٹنگ شروع ہوئی جو شام کو ساڑھے پانچ بجے تک مسلسل جاری رہے گی، گاؤں کی حکومت بننے کے لیے گاؤں کی عوام میں کافی زیادہ جوش اور جذبہ نظر آرہا ہے، صبح سے ہی جین پولنگ بوتھ پر انتخاب ہو رہے ہیں وہاں پر عوام کا ہجوم نظر آرہا ہے، سماجی دوری کے ساتھ عوام اپنا ووٹ دے رہے ہیں۔
پولینگ بوتھ کے اندر تمام کاغذات چیک کرنے کے بعد ہی ووٹ ڈالنے کے لیے آگے روانہ کیا جارہا ہے، وہیں گاؤں کی خواتین میں بھی ان پنچایت انتخاب کو لے کر الگ ہی جوش نظر آرہا ہے، انتخابات کے مدنظر تمام پولنگ بوتھ پر کثیر تعداد میں پولیس کے جوان بھی تعینات کیے گئے ہیں، فی لحال ریاست کے جن جن علاقوں میں یہ انتخاب ہو رہے ہیں وہاں پر کسی طرح کی کوئی لڑائی جھگڑے کی بات سامنے نہیں آئی ہے۔
کرولی کے جونل مجسٹریٹ بھجن لال شرما نے بتایا کہ ضلع میں امن و امان کے ساتھ انتخابات مکمل ہو رہے ہیں، یہاں پر کیے گئے پولیس انتظامات بھی کافی زیادہ سخت ہیں۔ کورونا کے دوران سماجی دوری کا پورا خیال رکھا جارہا ہے۔
