راجستھان کی سیاسی ہلچل کے درمیان اب ریاستی حکومت نے ایک بار پھر گورنر کلراج مشرا سے آئندہ 31 جولائی کو اسمبلی کا اجلاس بلانے کی درخواست کی ہے۔ اس سلسلے میں حکومت کی جانب سے راج بھون کو ایک خط بھیجوا دیا گیا ہے۔
اس خط میں ترمیم شدہ دوسری تجویز میں حکومت کی جانب سے کچھ بل متعارف کروانے ، کورونا انفیکشن اور اس سے بچنے کے بارے میں تبادلہ خیال کی تجویز شامل ہے۔
اس سے قبل جو تجویز حکومت کی جانب سے بھیجا گیا تھا، اس میں پیر کے روز سے اسمبلی اجلاس بلائے جانے کا مطالبہ کیا تھا، لیکن اس تجویز میں کچھ نکات پر کمی ہونے کو لیکر گورنر نے وزیر اعلیٰ کو آگاہ کرایا تھا، جسے درست کر دوسری تجویز بھجوایا گیا ہے۔
فی الحال راج بھون کو بھیجے گیے خط پر غور و فکر جاری ہے اور جلد ہی اس سلسلے میں گورنر کے ذریعہ فیصلہ لیا جاسکتا ہے۔
غورطلب ہے کہ گورنر نے 6 نکات جس کا جواب گورنر نے ریاستی حکومت اور وزیر اعلیٰ سے مانگا تھا، اس پر اب تک حکومت کی جانب سے کوئی جواب راج بھون میں نہیں دیا گیا ہے۔
حالانکہ کابینہ میں پیش کی گئی تجویز کو راج بھون کو بھیجا گیا، لیکن ان 6 نکات کے جواب کا انتظار راج بھون کو ابھی بھی ہے۔
