چند دنوں قبل تقریباً 64 کل چاندی سہارنپور احمد آباد سے کوٹہ لائی گئی تھی اور کوٹ شہر کے چار بڑے تاجروں کو یہ چاندی پہنچائی جانی تھی لیکن اس سے قبل ہی شاطر چوروں نے اس پر ہاتھ صاف کردیا۔
چاندی کے تاجروں نے اس تعلق سے پولیس میں شکایت درج کرائی اور پولیس نے بھی اس معاملے کو سنجیدگی سے لیتے ہوئے متعدد ٹیمیں تشکیل دیں۔
جس کے بعد محض تین دنوں میں پولیس نے ملزمان کو گرفتار کرلیا اور چوری کی گئی چاندی بھی برآمد کرلی گئی۔
سب سے پہلے پھلوں کا ٹھیلا لگانے والا مکیش نامی ملزم پولیس کے شکنجے میں آیا جس نے تفتیش میں یہ اعتراف کیا کہ اس نے اپنے ساتھیوں سمیت مل کر چوری کی واردات انجام دی تھی۔
کوٹہ سٹی کے ایس پی گورو یادو نے بتایا کہ مکیش، جنید اور جاوید نامی تینوں ملزمان پھل فروٹ کا ٹھیلا لگاتے ہیں، ان میں سے ایک ملزم مکیش سیون ونڈر پارک روڈ پر پھل فروخت کرتا تھا اور وہیں پر پارسل کا گودام تھا جس کی وجہ سے انھیں اس بات کی بھنک لگ گئی تھی کہ یہاں چاندی لائی گئی ہے جس کے بعد انھوں نے چوری کا منصوبہ بنایا۔
ملزمان نے اس بات کا انکشاف کیا کہ ان کے پاس ایک ماسٹر چابی تھی جس سے انھوں نے ٹرانسپورٹ کمپنی کے گودام کا تالا کھول اور وہاں سے 64 کلو کے چاندی کے زیورات کا سرقہ کرلیا۔
