کانگریس کے سابق صدر راہل گاندھی کل راجستھان میں کسانوں کی سرزمیں ہنومان گڑھ اور شری گنگا نگر ضلع میں کل کسانوں سے خطاب کریں گے۔
اس موقع پر گاندھی کے ساتھ وزیراعلی اشوک گہلوت سمیت کئی کانگریسی رہنما بھی آئیں گے۔ پنجاب اور ہریانہ سے متصل یہ دونوں ضلع راجستھان کے زرعی سرمور علاقے ہیں۔ یہ پورا علاقہ کسان اور زراعت پر مبنی ہے۔
ہنومان گڑھ ضلع میں پیلی بنگہ اور شری گنگا نگر ضلع کے پدم پور میں کسان جلسوں کا انعقاد کیا گیا ہے۔ کانگریس کے رہنما ان جلسوں میں کسانوں کے بڑی تعداد میں شرکت کی امید کر رہے ہیں۔
مزید پڑھیں:
راہل گاندھی کا دو روزہ راجستھان دورہ
ادھر اس علاقے میں کسانوں کی سب سے بڑی تنظیم دیہی مزدور کسان کمیٹی (جی کے ایس) نے راہل گاندھی کے سفر کی مخالفت کرنے کا اعلان کرکے ریاستی حکومت کو مشکل میں ڈال دیا ہے۔
جی کے ایس نے کہا کہ اگر راہل گاندھی علاقے کے کسانوں کے مقامی مطالبات اور مسئلوں کے سلسلے میں کسانوں کے درمیان آکر بات چیت نہیں کرتے ہیں تو ان کی مخالفت کر کے انہیں کالے جھنڈے دکھائے جائیں گے۔
