راجستھان کے دارالحکومت جے پور کے ایجوکیشن آفس میں واقع مدرسہ بورڈ دفتر کے باہر غیر معینہ دھرنے کا اعلان کیا گیا، یہاں پر ان تمام پیرا ٹیچرز کی جانب سے ایک ریلی نکالی گئی اور جم کر نعرے بازی بھی کی گئی۔
یہاں پر مدرسہ بورڈ دفتر کا گھیراؤ کر یہ اعلان کیا گیا کہ 27 فروری تک ہمارے مطالبات کو نہیں مانا جاتا ہے تو ایک مہم شروع کی جائے گی۔
واضح رہے کہ گزشتہ دنوں ریاستی حکومت کی جانب سے پیش کردہ بجٹ میں مدرسوں میں پڑھانے والے پیرا ٹیچرز کو کافی زیادہ امید تھی لیکن ان کے لیے کوئی بھی اعلان نہیں کیا گیا، اس درمیان کثیر تعداد میں مدرسہ میں پڑھانے والے پیرا ٹیچرز موجود رہے۔
پیرا ٹچرز نے ای ٹی وی بھارت سے بات چیت کے درمیان بتایا کہ 'گزشتہ کئی برسوں سے مستقل کرنے کا مطالبہ حکومتوں سے کرتے آرہے ہیں لیکن ہمیں ہر بار ہی نظر انداز کر دیا جاتا ہے جس کی وجہ سے ہم لوگ کافی زیادہ غصے میں ہیں۔'
انہوں نے کہا کہ 'جب تک حکومت ہمارے مطالبات کو نہیں مان لیتی تب تک ہم یہاں سے نہیں جائیں گے۔ پیرا ٹیچرز کے مطابق وزیراعلی اشوک گہلوت سے سیدھی بات چیت کرنا چاہتے ہیں۔'
