آپریشن آگ کے تحت پولیس کی کاروائی ایک شخص گرفتار

راجستھان پولیس ان دنوں اپنا کام کافی مستعدی کےساتھ انجام دیتی ہوئی نظرآرہی ہے۔ نشے کے خلاف مہم چلانے کا معاملہ ہو یا پھر کوئی دوسرامعاملہ ہر معاملے میں بہتر طریقے سے کاروائی انجام دے رہی ہے۔

آپریشن آگ کے تحت جے پور پولیس کمیشنریٹ کے گلتا گیٹ پولیس تھانے کی ٹیم نے کارروائی کرتے ہوئے ہتھیار کی سپلائی کرنے والے ایک نوجوان ذیشان قریشی کو گرفتار کیا ۔

گلتا گیٹ پولیس تھانے کے انچارج ستیش چودھری نے بتایا کہ 15 روز قبل ہم نے آپریشن آگ کے تحت کارروائی کو انجام دیا تھا۔

جس میں عادل نام کے اس شخص کو گرفتار کیا گیا تھا اور ایک پستول برآمد کی گئی تھی۔

عادل نے ہم لوگوں کو معلومات فراہم کرتے ہوئے ذیشان کے بارے میں بتایا جس کے بعد ہم نے ذیشان کو حراست میں لیا اور اس کے پاس سے ایک پستول برآمد کرلی گئی۔

انہوں نے بتایا کہ اس طرح کی کارروائی آگے بھی مسلسل جاری رہے گی۔