سوائی مادھو پور: پولیس نے چار شرپسندوں کو گرفتار کیا

ریاست راجستھان کے ضلع سوائی مادھو پور کی وزیر پور پولیس نے چار شرپسندوں کو غیر قانونی اسلحہ سمیت گرفتار کیا ہے۔ پولیس نے ان کے قبضے سے غیر قانونی اسلحہ برآمد کرلیا ہے۔ پولیس ملزمان سے تفتیش کررہی ہے اور یہ جاننے کی کوشش کررہی ہے کہ یہ ہتھیار انہیں کہاں سے ملے ہیں۔

وزیر پور پولیس اسٹیشن کے افسر یوگیندر شرما نے بتایا کہ مخبر سے اطلاع ملی کہ کچھ شرپسند اپنے ایک ساتھی نہرو مینا کے ساتھ وزیر پور سے گنگا پور شہر آرہے ہیں، جو وکیش قتل کیس کا مجرم ہے۔ جس کے بعد پولیس نے چاروں شرپسندوں کو وزیر پور ایس آر پٹرول پمپ کے قریب گھیرا بندی کرکے گرفتار کرلیا اور ان کے قبضے سے دو غیر قانونی اسلحے اور زندہ کارتوس برآمد کرلئے۔

ساتھ ہی پولیس نے ملزمین سے کریٹا گاڑی بھی قبضے میں لے لی۔ کارروائی کے دوران دو شرپسند فرار ہونے میں کامیاب ہوگئے جن کو پولیس تلاش کررہی ہے۔