پوکرن:علاج کے بعد 35 میں سے 30 کورونا مریض صحتیاب

ضلع انتظامیہ اور میڈیکل ڈیپارٹمنٹ کورونا وائرس کی روک تھام کے لئے دن رات کوشش کرتے رہے۔ نتیجہ یہ نکلا ہے کہ اب ضلع میں انفیکشن کی رفتار کافی کم ہوگئی ہے اور اب بہت کم کورونا کیسز سامنے آرہے ہیں۔

ریاست راجستھان کے ضلع جیسلمیر کے شہر پوکرن میں کورونا وائرس کے 35 کیسز درج کئے گئے تھے۔ پوکرن ہاٹ اسپاٹ بن گیا تھا۔ مسلسل ایک کے بعد ایک نئے کیس سامنے آ رہے تھے۔

ضلع انتظامیہ کی پولیس اور میڈیکل ڈیپارٹمنٹ کورونا وائرس کی روک تھام کے لئے دن رات کوشش کرتے رہے۔ نتیجہ یہ نکلا ہے کہ اب ضلع میں انفیکشن کی رفتار کافی کم ہوگئی ہے اور اب بہت کم کورونا کیسز سامنے آرہے ہیں۔

ضلع کلکٹر نمت مہتا کا کہنا ہے کہ 'پوکرن میں کرونا کا انفیکشن اب تقریبا قابو میں ہے۔'

واضح رہے کہ 'پوکرن میں علاج کے بعد 35 میں سے 30 کورونا مریض منفی پائے گئے ہیں۔ جن میں سے 29 صحت یاب ہونے کے بعد اپنے گھروں کو لوٹ گئے ہیں۔'

ضلع کلکٹر نے پولیس، انتظامیہ، میڈیکل ڈیپارٹمنٹ اور تمام کورونا وارئرس کی تعریف کی ہے۔