ریاست راجستھان میں عید الاضحیٰ کا تہوار آج عقیدت واحترام کے ساتھ منایا جارہا ہے، عید الاضحی کی نماز عید گاہ اور مساجد میں ادا کی جاتی ہے، اس خاص نماز میں شریک ہونے کے لیے لاکھوں کی تعداد میں نمازی عید گاہ اور مساجد پہنچتے ہیں لیکن کورونا وبا کی وجہ سے اس بار محض پانچ لوگوں نے ہی یہ نماز ادا کی ہے جن میں ایک مسجد کا امام بھی شامل ہے۔
راجستھان کے دارالحکومت جے پور کے دہلی روڈ پر واقع عیدگاہ اور جوہری بازار علاقے میں واقع جامع مسجد میں ہر برس عید کی نماز سے قبل اور عید کی نماز کے بعد پیر رکھنے کی جگہ نہیں آتی ہوتی تھی لیکن اب کی بار جامع مسجد مصلیان سے خالی نظر آئی۔
وہی عالمی وبأ کورونا وائرس کو لے کر جو گائیڈ لائن حکومت کی جانب سے جاری کی گئی ہے اس کا یہاں پر مکمل طور پر خیال رکھا گیا ہے۔
عیدالاضحیٰ کے موقع پر جامع مسجد کے امام مفتی امجد نے ای ٹی وی بھارت سے خاص بات چیت میں کہا کے جہاں آج ایک بڑا تہوار منایا جا رہا ہے وہی دوسری جانب ہم لوگوں کو اس بات کی مایوسی ہے کہ کورونا وبا نے آج پورے عالم بھر کے لوگوں کی کمر توٹ دی ہیں، جہاں پر لاکھوں لوگ نماز ادا کرنے کی آتے تھے وہاں پر آج محض پانچ لوگوں نے ہی یہ نماز ادا کی ہے۔
واضح رہے کہ جے پور کی جامع مسجد میں مفتی امجد اور دہلی روڈ پر واقع عیدگاہ میں مفتی واجد الحسن نے نماز پڑھائی ساتھ ہی عید گاہ اور مساجد کے باہر پولیس کا سخت پہرہ بھی نظر آیا۔
