این ایس یو آئی کے ریاستی صدر ابھشیک چودھری کی قیادت میں ریلی جے پور میں واقع شہید اسمارک سے دہلی کی جانب روانہ ہوئی۔
ریاستی حکو مت کی وزراء کی جانب سے اس ریلی کو ہری جھنڈی دکھا کر روانہ کیا گیا۔
راجستھان حکومت میں تعلیم وزیر بھنور سنگھ بھاٹی نے میڈیا سے بات چیت کے دوران کہا کہ عالمی وباء کورونا کے درمیان مرکزی حکومت کی جانب سے لائے گئے تینوں زرعی قوانین کسان مخالف ہے۔
انہوں نے کہا کہ ملک کے وزیراعظم نریندر مودی اپنے تین دوستوں کو فائدہ پہنچانے کے لیے یہ قانون بھارتی پارلیمنٹ میں لے کر آئے۔
انہوں نے کہا کہ اس قانون کو اس وقت لانے کی بالکل بھی ضرورت نہیں تھی، نہ ہی کسی طرح سے کوئی اسمبلی اور پارلیمنٹ میں بات چیت کی گئی۔
انہوں نے کہا کہ تقریباً 40 دن سے ملک کے کسان سڑکوں پر احتجاج کر رہے ہیں لیکن ان کسانوں کی سننے کے لیے کوئی بھی نظر آتا نہیں دکھ رہا۔
انہوں نے کہا کہ کانگریس پارٹی ہمیشہ ہی سے کسانوں کی حمایتی رہی ہے اس لئے آج یہ سائیکل ریلی نکالی جا رہی ہے۔
اس دوران راجستھان حکومت میں کابینہ وزیر اشوک چاندنا، پرتاب سنگھ کھاچریاواس، گویند سنگھ ڈوٹاسرا، حریص چوہدری سمیت کثیر تعداد میں کانگریس پارٹی اور این ایس یو آئی کے کارکنان موجود رہے۔
یہ بھی پڑھیں: جےپور: زرعی قوانین کے خلاف ٹول پلازہ پر کسانوں کا احتجاج
