عیدالاضحیٰ کے موقع پر راجستھان حکومت کی جانب سے اجتماعی نماز پر پابندی عائد کی گئی ہے۔ اس سلسلے میں حکومت کی جانب سے اعلی افسران کو ہدایت بھی دی گئی ہیں۔ حکومت راجستھان کی جانب سے جاری ہدایت کے مطابق راجستھان میں سبھی طرح کے تہواروں پر پابندی لگا دی گئی ہے۔
ہدایت کے مطابق راجستھان میں کاوڑ یاترا پر بھی پوری طرح سے پابندی رہے گی، 21 جولائی کو منایا جانے والا عیدالاضحیٰ کا تہوار بھی گھر پر ہی منایا جائے گا اور اس دوران کسی بھی طرح کی کوئی اجتماعی نماز ادا نہیں کی جائے گی۔
جین مذہب کے چتورماس پروگرام چار ماہ تک چلتا ہے اس میں عالم بھر سے عقیدت مند شرکت کرتے ہیں، اس لیے اس طرح کے پروگرام پر بھی پوری طرح کی پابندی عائد کی گئی ہے۔
یہ بھی پڑھیں: مناسکِ حج کی ادائیگی کا آج سے آغاز
واضح رہے کہ راجستھان میں عالمی وبا کورونا کا قہر تو کم ہوا ہے لیکن عوام کے ہجوم کی وجہ سے کیسز میں اضافہ نہیں ہو جائے اس لیے حکومت کی جانب سے یہ بڑا فیصلہ کیا گیا۔
