نتن گڈکری کی جانب سے غریب نوازؒ کی بارگاہ میں چادر پیش ہوئی

ناگپور سے یہ چادر مہاراشٹر اقلیتی مورچہ کے صوبائی سکریٹری اسلم خان اجمیر لے کر پہنچے تھے۔

مرکزی وزیر برائے روڈ ٹرانسپورٹ نتن گڈکری کی جانب سے سلطان الہند حضرت خواجہ غریب نواز کے 809 ویں عرس مبارک کے موقع پر عقیدت کی چادر بھیجی گئی۔

جہاں اس چادر کو درگاہ کے نظام گیٹ سے درگاہ کمیٹی صدر امین پٹھان اور دیگر نمائندوں کے ساتھ خواجہ غریب نواز کے آستانہ پر پیش کی گئی۔

خواجہ غریب نوازؒ کے 809 ویں عرس مبارک کے موقع پر پہنچی نتن گڈکری کی یہ چادر درگاہ کے محفل خانہ میں عام لوگوں کے دیدار لیے کھلے گی۔

چادر کی صدارت کرنے والے سید افشان چشتی نے نتن گڈکری کا پیغام پڑھ کر سنایا اور خواجہ کے دربار میں ان کے لیے دعا مانگی۔

چادر لے کر آنے والے ڈیلیگیشن کی درگاہ کے خادم سید افشان چشتی نے دستار بندی کی اور دربار کا تبرک بھی پیش کیا۔