راجستھان حکومت میں اقلیتی وزیر صالح محمد جمعہ کے روز راجستھان کے جیسلمیر کی دورے پر پہنچے، اس دوران اقلیتی وزیر صالح محمد نے جیسلمیر میں کئی مدارس کا جائزہ بھی لیا۔ یہاں جیسلمیر کے ایک مدرسہ میں جب انہوں نے جائزہ لیا تو مدرسہ میں تعلیم حاصل کرنے والی بچیاں ان سے مل کر کافی خوش نظر آئی۔
اس دوران صالح محمد نے ان تمام بچیوں سے جو بھی پریشانی ان کی تعلیم کو لے کر آ رہی ہے یا پھر ان کے مدارس سے متعلق سامنے آ رہی ہے اس بارے میں بات کی۔ بچیوں کا کہنا تھا کہ 'ہم لوگوں کو کافی بہترین تعلیم دی جا رہی ہے۔ اس دوران صالح محمد نے خطاب کرتے ہوئے کہا کہ 'راجستھان کی کانگریس حکومت اقلیتی طبقے کی جانب کافی زیادہ توجہ دے رہی ہیں۔ مدرسوں میں اسمارٹ کلاسز بنانے کے لیے کمپیوٹر بھی تقسیم کیے جا رہے ہیں۔
یہ بھی پڑھیں: جے پور: ڈنگرپور انتظامیہ نے ڈانڈی یاترا کےلیے تعاون نہیں کیا
انہوں نے کہا کہ 'مجھے کافی زیادہ خوشی ہے کی جو کام بی جے پی حکومت نہیں کر پائی وہ کام ہم لوگ کر رہے ہیں، انہوں نے کہا کہ مدارس میں تعلیم حاصل کرنے والے بچوں کو کسی طرح کی کوئی تکلیف کانگریس حکومت کے وقت میں نہی آنے دی جائے گی۔'
