ریاست راجستھان کے دارالحکومت جے پور کے سوائی مان سنگھ میڈیکل کالج اور جے کے لون ہسپتال نے حال ہی میں بچوں میں کووڈ 19 کی منتقلی کے بارے میں ایک مطالعہ کیا ہے، اب تک جتنے بھی بچے اس وائرس سے متاثر ہوئے ہیں، ان میں سے کسی بھی بچے کی کوئی ٹریول ہسٹری سامنے نہیں آئی ہے۔ ڈاکٹروں کا کہنا ہے کہ 'اس تحقیق سے انکشاف ہوا ہے کہ یہ انفیکشن ہاضم نظام کے ذریعے پھیل رہا ہے اور کہا جاتا ہے کہ 'یہ انفکشن کافی مہلک ہے۔ وہیں ابھی تک اس کی وجہ سے تین بچوں کی موت کا دعوی کیا گیا ہے۔
جے پور کے بارے میں بات کریں تو کورونا وائرس کی علامات اب تک 71 بچوں میں دیکھی جا چکے ہیں جس میں 40 بچے اور 31 لڑکیاں شامل ہیں۔ ان میں ایک نوزائیدہ، 1 سے 6 ماہ کا 1 بچہ، 6 ماہ سے 3 سال تک کے 6 بچے، 3 سے 6 سال تک کے 5 بچے، 6 سے 10 سال کے درمیان 24 بچے اور 10 سال سے اوپر کے 34 بچے اور ایک دیگر شامل ہیں۔
جب ان بچوں کے بارے میں ایک تحقیق کی گئی تو پتہ چلا کہ ان بچوں میں سے کسی کی بھی سفری تاریخ نہیں ہے۔ ان میں سے 70 بچے ایسے ہیں، جن کے کنبے میں ایک دوسرے لوگوں کو انفیکشن ہوا تھا جس کی وجہ سے یہ بچے متاثر ہوئے تھے۔ وہیں 59 بچے ایسے تھے جنہیں وائرس تھا لیکن اس کی علامات ظاہر نہیں ہوئیں اور دیگر 12 بچوں میں کورونا کی علامتیں بھی دیکھی گئیں۔
جے کے لون ہسپتال کے سپرنٹنڈنٹ اور بچوں کے ڈاکٹر اشوک گپتا کا کہنا ہے کہ 'یہ تحقیق سوائی مانسنگھ میڈیکل کالج اور جے کے لون ہسپتال نے کی ہے۔ جہاں یہ انکشاف ہوا ہے کہ نہ صرف رابطے کے ذریعے بلکہ دیگر طریقوں سے بھی کووڈ ۔19 کا انفیکشن پھیل سکتا ہے اور صرف صاف ستھرا رہ کر ہی اس انفیکشن سے بچا جاسکتا ہے۔ ڈاکٹر گپتا نے یہ بھی کہا کہ 'یہ تحقیق آنے والے وقت میں بہت مددگار ثابت ہوگی۔
