جھالاواڑ ضلع میں ایک بے قابو ڈمپر نے ٹپری کے باہر سورہے مزدور کنبہ کے 5 لوگوں کو کچل دیا جس سے سبھی کی موت ہوگئی۔ مرنے والوں میں میاں، بیوی اور ان کے تین بچے شامل ہیں۔ یہ دردناک حادثہ دیر رات کا بتایا جارہا ہے۔ دوسری جانب ڈمپر چھوڑ کر ڈرائیور فرار ہوگیا۔
پولیس سے ملی جانکاری کے مطابق حادثہ جھالاواڑ کی تین دھار شاہراہ پر بڈبیلا گاؤں کے پاس ہوا۔ جہاں گھاٹولی علاقے کا رہنے والا ایک کنبہ سڑک کے کنارے ٹپری کے باہر سورہا تھا، دیر رات قریب پونے بارہ بجے ایک بے قابو ڈمپر ان کو کچلتے ہوئے آگے نکل گیا۔ حادثہ اتنا دردناک تھا کہ میاں بیوی اور ان کے تین بچوں کی موقع پر ہی موت ہوگئی۔ وہیں کچھ دوری پر سو رہے 2 بچے حادثے کا شکار ہونے سے بچ گئے۔
مزید پڑھیں: جے پور: کانگریس کے احتجاجی مظاہرے میں کورونا گائڈلائن کی خلاف ورزی
اس حادثہ میں میاں بیوی سریش اور سیتابائی اور تین بچے نرملا، کملیش اور پون کی موت ہوگئی ہیں۔مرنے والے بچوں کی عمر 10 سال سے کم بتائی جارہی ہے۔
منداور تھانہ پولیس نے ملوکین کی لاش کو ضلع ہسپتال میں پوسٹ مارٹم کے لئے بھیجا ہے۔
