گذشتہ روز راجستھان میں پیٹرول پمپ کی ہڑتال تھی لیکن کربلا علاقے میں بینیوال کانٹے کے پاس گوڈ گِفٹ پیٹرول پمپ پر پہنچے اور زبردستی پٹرول بھروانے کی کوشش کی جس کے بعد صارفین اور پٹرول پمپ کے ملازمین میں ہاتھا پائی ہوگئی جس میں دو افراد زخمی ہوئے۔
مارپیٹ کی طلاع ملنے پر پولیس موقع پر پہنچی اور خاطیوں کے خلاف مختلف دفعات کے تحت معاملہ درج کر لیا۔
پیٹرول پمپ مالک افضل دستگیر نے کہا کہ ہڑتال کی وجہ سے ہم لوگ پیٹرول نہیں دے رہے تھے لیکن کچھ لوگ آئے اور کہا کہ ہم لوگ کونسلر کے آدمی ہیں، ہماری گاڑیوں میں پیٹرول بھرنا ہی پڑے گا۔ وہ لوگ شراب کے نشے میں تھے۔
وہیں، اس پورے معاملے سے متعلق کونسلر اختر حسین کا کہنا ہے کہ میں وہاں سے گزر رہا تھا۔ اس دوران پٹرول پمپ کے ملازمین کسی شخص کو مار رہے تھے۔ میں نے موقع پر پہنچ کر اسے بچایا۔ انہوں نے کہا کہ 'میں نے بس انسانیت کی خاطر اسے بچایا۔'
اس کے علاوہ تھانہ انچارج بھارت سنگھ نے ای ٹی وی بھارت کے نمائندے کو فون پر بتایا کہ اس معاملے میں چند لوگوں کے خلاف معاملہ درج کیا گیا ہے۔
