اطلاع کے مطابق جے پور میں آج سے دہلی شاہین باغ کے طرز پر ایک اورمظاہرہ کا انعقاد دہلی ہائی وے پر واقع عید گاہ پر کیا جانا تھا۔
لیکن راجستھان پولیس کی جانب سے اجازت نہیں ملنے کی وجہ سے مظاہرہ نہیں کیا جا سکا ،حالانکہ مظاہرے کی بات سامنے آتے ہی ہائی وے پر کثیر تعداد میں عوام اور خواتین جمع ہوگئیں تھی۔
مظاہرہ تنظیم کے ذمہ داروں کا کہنا ہے کہ ریاستی حکومت اس تمام مسئلوں کو لے کر کافی فکر مند ہے اس لیے ہم بھی ان کا تعاون کر رہے ہیں۔
مظاہرہ کمیٹی نے کہا کہ احتجاج کب اور کہاں کرنا ہے، اس بات کا اعلان جلد کردیا جائے گا، جبکہ مظاہرے کی بات سامنے آتے ہی ریاستی پولیس کافی سخت نظر آئی۔
واضح رہے کہ حال ہی میں راجستھان حکومت کی جانب سے اس نئے قانون، این آرسی، اوراین پی آر کو لے کر اسمبلی میں ایک بڑا قدم بھی اٹھایا گیا تھا ۔
مظاہرہ سے متعلق بھیم آرمی تنظیم کی ڈاکٹر نیلوفر نے ای ٹی وی بھارت سے خاص بات چیت کے درمیان بتایا کہ جو مظاہرہ ہونا ہے وہ ہوکر ہی رہے گا. ہمیں انتظامیہ کا تعاون نہیں ملنے کی وجہ سے جگہ میں تبدیلی کی گئی ہے۔
