این ایس یو آئی کے ریاستی صدر ابھیمنیو پونیا کا کہنا ہے کہ آج موجودہ وقت میں جس طرح سے کورونا کے حالات پیدا ہوئے ہیں وہ کافی زیادہ خطرناک ہے ۔اس لئے ہم حکومت سے یہ مطالبہ کرتے ہیں کہ کالج کے جو بھی طلبہ ہیں ان تمام طلبہ کو بغیر امتحانات کے پاس کیا جائے۔
پونیا کا کہنا ہے کہ کورونا وباء کے درمیان طالب علموں کے لیے جس طرح کی خدمات این ایس یو آئی کی جانب سے دی گئی ہے وہ کسی اور تنظیم یا یونین نے نہیں دی ہے۔
پونیا نے کہا کہ ہم نے ریاستی حکومت کے وزیرتعلیم، اسمبلی رکن اور کانگریس کے اعلی رہنماؤں کو طلبا کے مسائل کے بارے میں آگاہ کروایا ہے۔ ہمیں پوری امید ہے کہ بغیر امتحانات کے ہی طالب علموں کو پروموٹ کیا جائے گا۔
وہیں اطلاع کے مطابق اس پورے احتجاج کے لیے پولیس کی جانب سے اجازت نہیں لی گئی تھی۔ چند روز قبل بھی این ایس یو آئی کی جانب سے اسی طرح کا احتجاج کیا گیا تھا ، جس کے بعد چند طلبہ کو پولیس نے گرفتار کرلیا تھا
