جے پور کے قبرستان میں جیسے ہی میت کو سپرد خاک کیا جاتا ہے ویسے ہی کتے لاش کو باہر نکال لیتے ہیں، قبرستان کے چاروں جانب سے لوگوں نے غیرقانونی طریقے سے قبضہ کر رکھا ہے۔
اتنا ہی نہیں قبرستان کے پاس بنے مکانات و دکانوں کا گندا پانی بھی قبرستان میں داخل ہورہا ہے۔
ان لوگوں کو کوئی بولنے اور سمجھانے والا نہیں ہے، ذمہ داران کو بھی متعدد مرتبہ شکایت کی گئی، لیکن ان پر اس کا کوئی بھی اثر نہیں ہوا ہے۔
اس سے متعلق مقامی لوگوں کا کہنا ہے کہ ہم لوگوں نے متعدد مرتبہ انتظامیہ کمیٹی، حکومت کے ذمہ داران اور مونسپل کارپوریشن میں اس کی شکایت کی، لیکن پھر بھی ان قبرستانوں کی جانب کوئی توجہ دینے والا نظر نہی آرہا ہے۔
واضح رہے کہ جے پور کے ان قبرستان میں گھاٹ گیٹ قبرستان، شاشتری نگر قبرستان اور نہاری کا ناکا قبرستان شامل ہیں۔
قبرستانوں کی خراب حالت سے متعلق کمیٹی کے ذمہ داروں سے بات کی لیکن وہ اپنی ذمہ داری سے بچتے ہوئے کسی بھی سوال کا جواب دینے سے انکار کردیا۔
