جے پور کے یوم تاسیس پر کانگریس اور بی جے پی کی جانب سے مبارکباد

دنیا بھر میں گلابی شہر کے نام سے مشہور بھارتی ریاست راجستھان کے دارالحکومت جے پور کا جمعرات کے روز یوم تاسیس منایا جارہا ہے۔

جے پور کی یوم تاسیس کے موقع پر جے پور ہیریٹیج مونسپل کارپوریشن اور جے پور گریٹر مونسپل کارپوریشن کی جانب سے مختلف قسم کے پروگراموں کا آج اور کل انعقاد بھی کیا جائے گا۔

اس موقع پر ہونے والے پروگراموں کا آغاز آج جے پور میں واقع موتی ڈنگری گنیش مندر میں پوجا کے ساتھ کیا گیا۔ وہیں جے پور کے یوم تاسیس کے موقع پر ریاست کے کانگریس اور بی جے پی کے رہنماؤں کی جانب سے مبارکباد بھی پیش کی گئی ہے۔

واضح رہے کہ 18 نومبر 1727 کو جے پور کی تاسیس ہوئی تھی اور جمعرات کے روز 294واں یوم تاسیس جے پور کا منایا جارہا ہے۔

جے پور کے یوم تاسیس کے موقع پر جے پور ہیریٹیج مونسپل کارپوریشن اور جے پور گریٹر مونسپل کارپوریشن کی میئر نے میڈیا سے خاص بات چیت کی اور عوام کو مبارکباد پیش کی۔