جئے پور کے ایڈیشنل کمشنر پولیس اشوک گپتا نے بتایا کہ راجستھان ہائیکورٹ کے ایک وکیل کی شکایت کے بعد جیوتی نگر پولیس اسٹیشن میں ایک ایف آئی آر درج کی گئی۔
انہوں نے بتایا کہ ’ہمیں رام دیو کے خلاف متعدد پولیس اسٹیشنوں میں شکایات موصول ہو رہی ہیں جس میں کورونا وائرس کی دوا کی تیاری کا غلط دعویٰ کرنے کا الزام لگایا جارہا ہے، لہذا ہم نے رام دیو، بال کرشنا، ڈاکٹر تومر کے خلاف ایڈوکیٹ بلرام جھاکر کی شکایت کی بنیاد پر ایک مقدمہ درج کرلیا ہے۔
وکیل بلرام جھاکر نے کہا کہ ’مجرمانہ ارادے کے تحت کورونا کی دوا کی تیاری کا دعویٰ کیا گیا ہے جبکہ ساری دنیا اس وبا سے پریشان ہیں۔
رام دیو نے 23 جون کو ایک پریس کانفرنس کے دوران کورونا وائرس کے علاج کے لیے موثر آیورویدک دوا کی تیاری کا دعویٰ کیا تھا۔ انہوں نے یہ بھی دعویٰ کےا تھا کہ سوساری وٹی، کورونل ٹیبلٹ اور انوتلا پر مشمل ’کورونا کٹ‘ کا کووڈ انفیکشن کے شکار مریضوں پر کلینیکل ٹرائل کے 100 فیصد مثبت نتائج برآمد ہوئے ہیں۔
وزارت آیوش نے پتانجلی کی اس دوا کے اشتہار پر روک لگا دی اور اس کی اور دوا سے متعلق تمام معلومات طلب کی ہے۔
