بھارتیہ جنتا پارٹی کی جانب سے جے پور کے امیدواروں کی فہرست جاری ہونے کے بعد جن کارکنان کو نظر انداز کیا گیا ہے وہ جے پور بی جے پی دفتر کے باہر احتجاج کرتے نظر آئے۔
اطلاع کے مطابق جو کارکن لمبے عرصے سے ٹکٹ کا مطالبہ جماعت کے عہدیداروں سے کر رہے تھے ان لوگوں کا نام فہرست میں شامل نہیں کیا گیا، جس سے وہ خفا ہیں۔ دفتر کے باہر تمام کارکنان جم کر نعرے بازی کر رتے رہے۔ ان کا مطالبہ تھا کہ انہیں ٹکٹ دیا جائے۔
احتجاج کی اطلاع ملنے پر بی جے پی کے سینیئر رہنما بی جے پی ریاستی دفتر پہنچنا شروع ہوئے۔ بی جے پی کے سینئر رہنما جن میں کالی چرن صراف، سانگا نیر اسمبلی رکن اشوک لاہوٹی، سابق رکن اسمبلی سریندر پاریک سمیت دیگر رہنما شامل ہیں۔
احتجاج کررہے کارکنان کا کہنا ہے کہ ہم ایک لمبے عرصے سے بی جے پی کی خدمت کرتے ہوئے آرہے ہیں، لیکن ہم لوگوں کو نظر انداز کرتے ہوئے جو پیراشوٹ امیدوار ہیں ان لوگوں کو اس بار موقع دیا گیا ہے جو کسی بھی حالت میں صحیح نہیں ۔
ان کارکنان کا یہ بھی الزام ہے کہ ہم لوگ پارٹی کے ہر پروگرام میں ہر وقت آگے نظر آتے ہیں لیکن پھر بھی ہم لوگوں کو ٹکٹ نہیں دیا گیا۔ وہیں بی جے پی کے ریاستی دفتر کے باہر کثیر تعداد میں پولیس کے جوان بھی تعینات کر دیے گئے ہیں۔
