اگر گزشتہ چھ برسوں میں 6646 بچوں کی اموات جے کے لون اسپتال میں علاج کے دوران ہوئی ہے۔ ان بچوں کا تعلق کوٹہ، باراں، بوندی، جھالاواڑ و چتوڑ گڑھ کے ساتھ مدھیہ پردیش کے ان اضلاع سے تھا جو قریب میں ہے۔
کوٹہ کے جے کے لون اسپتال میں موت کا معاملہ تھمنے کا نام نہیں لے رہا ہے۔
گزشتہ دو دنوں میں چار نو زائیدہ بچوں کی موت جے کے لون اسپتال میں علاج کے دوران ہوئی ہے۔
ان میں سے یکم جنوری کو تین نوزائید بچوں کی موت ہوئی ہے۔ وہیں دو جنوری کو بھی ایک نوازائیدہ کی موت ہوئی ہے۔
یہ سبھی نیونیٹل آئی سی یو اور ایف بی این سی میں بھرتی تھے۔ ایسے میں اسپتال میں بچوں کی اموات کی تعداد گزشتہ 33 دنوں میں 104 تک پہنچ گئی ہے۔
اس معاملے کو لے کر ریاست کے وزیر اعلیٰ اشوک گہلوت بی جے پی کے نشانے پر ہیں۔ ایسے میں حکومت چوطرفہ طور پر گھری ہوئی نظر آ رہی ہے۔
ایسے میں ریاستی حکومت نے وزیر صحت رگھو شرما اور کوٹہ انچارج اور وزیر نقل و حمل پرتاپ سنگھ کھاچریا واس کو آج کوٹہ بھیجا ہے۔ وہ 11 بجے کوٹہ جائیں گے اور جے کے لون اسپتال کا دورہ کریں گے۔ اس کے ساتھ ہی ضلع انتظامیہ اور میڈیکل کالج اسٹاف کے ساتھ جائزہ میٹنگ بھی کریں گے۔
