راشٹریہ لوک تانتریک پارٹی کے سربراہ اور ناگور سے رکن پارلیمان ہنومان بینیوال نے زرعی قوانین کے خلاف اور کسانوں کی حمایت میں بیان دیا ہے۔
انھوں نے میڈیا سے خطاب کے دوران کہا کہ وہ آئندہ 26 دسمبر 2020 کو راجستھان سے دو لاکھ نوجوانوں کے ساتھ قومی دارالحکومت دہلی کی جانب کوچ کریں گے۔
ہنومان بینیوال نے کہا کی مرکزی حکومت کی جانب سے جو کسان زرعی قوانین لائے گئے ہیں وہ کسانوں کے حق میں بہتر نہیں ہیں۔
اس لیے میں نے پہلے بھی اس قانون کی مخالفت کی تھی اور ابھی بھی اس قانون کی مخالفت کرتا ہوں۔
مزید پڑھیں:پاکستانی تارکین وطن کو بھارتی شہریت
انھوں نے یہ بھی کہا کہ مرکزی حکومت کی جانب سے انہیں جن کمیٹیوں کا رکن بنایا گیا ہے، وہ ان عہدے سے استعفیٰ دے رہے ہیں۔
انہوں نے کہا کہ آج وزیر اعظم نریندر مودی کسانوں کی جانب توجہ نہیں دے رہ ہیں تو ان کی الٹی گنتی شروع ہوچکی ہے۔
انہوں نے کہا کہ میری پارٹی کسانوں اور نوجوانوں کی پارٹی ہے اس لئے کسانوں پر جب کوئی بات ہوگی میں اسی طرح سے مخالفت کرتا رہوں گا۔
