ریاست گجرات میں اب یہ فیصلہ ہو گیا ہے کہ راجیہ سبھا کے دونوں امیدوار شکتی سنگھ گوہل اور بھرت سنگھ سولنکی انتخابات میں حصہ لیں گے۔ لہذا امکان ہے کہ تمام اراکین اسمبلی جے پور کے شیو ولاس ہوٹل میں ہی رکیں گے ۔
گزشتہ 4 دنوں سے یہ تمام اراکین اسمبلی ہوٹل کے باہر نہیں جارہے تھے لیکن جیسے ہی آج یہ فیصلہ ہوا کہ دونوں راجیہ سبھا کے کانگریس امیدوار انتخابی میدان میں رہیں گے، اس کے بعد اراکین اسمبلی جے پور گھومنے کے لیے نکل گئے ہیں۔
گجرات کانگریس کے لگ بھگ 18 اراکین اسمبلی آج جے پور گھومنے نکلے ہیں۔ یہ اراکین اسمبلی کسی بھی سیاحتی مقام پر نہیں جائیں گے بلکہ ورلڈ ٹریڈ پارک اور گورو ٹاور جائںگے تاکہ وہاں سے شاپنگ کر سکیں۔
حالانکہ یہ کہا جارہا ہے کہ یہ اراکین اسمبلی کو کہیں اور شفٹ کیا جا سکتا ہے۔ جس میں چھتیس گڑھ کا نام نمایاں طور پر لیا جارہا ہے لیکن ابھی تک اس کا پتہ نہیں چل سکا ہے۔
فی الحال ہوٹل کے تمام کمرے 25 مارچ تک بک ہیں لیکن کورونا وائرس کے اثرات کے سبب جو اراکین اسمبلی ابھی تک جے پور نہیں چھوڑ رہے تھے وہ پہلی بار بس میں سوار ہو کر گھومنے نکلے ہیں۔
