بھارت سرکار افغانستان اپنی فوج بھیج کر لوگوں کی مدد کرے: سید زین العابدین

افغانستان پر طالبان کا قبضہ ہونے کے بعد وہاں پھنسے بھارتی شہری اپنے وطن واپس لوٹنا چاہتے ہیں۔ اس سلسلے میں اجمیر درگاہ کے دیوان سید زین العابدین نے کہا کہ بھارت سرکار کو چاہیے کہ وہ اپنی فوج بھیج شہریوں کو واپس ملک لائیں۔

طالبان نے افغانستان کے دارالحکومت کابل پر قبضہ کر لیا اور اب پورا ملک طالبان کے کنٹرول میں ہے۔ اس درمیان کئی بھارتی شہری بھی وہاں پھنسے ہوئے ہیں اور وہ اپنے ملک لوٹنا چاہ رہے ہیں۔

پوری دنیا میں روحانیت کے مرکز کے طور پر مشہور راجستھان کی اجمیر درگاہ کے دیوان اور خادم افغانستان سے لوگوں کی بحفاظت واپسی کی دعا کر رہے ہیں۔

اس تعلق سے نمائندہ ای ٹی وی بھارت نے اجمیر درگاہ کے دیوان اور خادم سے بات کی۔

درگاہ کے دیوان سید زین العابدین نے کہا کہ افغانستان کی موجودہ صورتحال میں سرکار کو چاہیے کہ وہ جلد سے جلد اپنی فوج افغانستان بھیج کر اپنے لوگوں کی حفاظت کرے۔

اجمیر شریف میں افغانستان میں پھنسے بھارتیوں کی سلامتی کے لیے دعائیں کی جا رہی ہیں۔