پولیس کے مطابق ضلع کے پدم پور قصبہ کے وارڈ نمبر پندرہ رہائشی اور لڑکی کے والد بدھیشور شرما نے اتر پردیش میں غازی آباد کے رہائشی سشیل کمار شرما کے خلاف آٹھ لاکھ 50 ہزار کی ٹھگی کرنے کا مقدمہ درج کرایا ہے۔
رپورٹ میں شرما نے بتایا کہ نیٹ امتحان پاس اس کی بیٹی شریا کو ایم بی بی ایس میں داخلہ کے لیے کاؤنسلنگ کی فیس بھی جمع کرا دی لیکن میرٹھ کے سبھارتی میڈیکل کالج میں اس کا داخل نہیں ہو پایا۔
اسی دوران اس غازی آباد کے اندراپورم میں شپرا کھنڈ کے رہائشی سشیل کمار شرما نے رابطہ کیا۔ سشیل شرما نے کہا کہ لکھنؤ کے’ ہند میڈیکل انسٹی ٹیوٹ آف سائنس‘ میں اس کی بیٹی کا ایڈمشن ہو سکتا ہے۔
سشیل نے شریا کا ایڈمشن کرانے کی بات پکی کرتے ہوئے بتایا کہ ساڑھے آٹھ لاکھ روپے آرٹی جی ایس کے ذریعے اس انسٹی ٹیوٹ کے بینک اکاؤنٹ میں جمع کرانے ہوں گے۔ اس کے بتائے بینک اکاؤنٹ میں یہ رقم آرٹي جي ایس کے ذریعے جمع کروا دی گئی۔
اس کے بعد سشیل نے اس سے رابطہ کرنا بند کر دیا اور وہ اس کے بعد سے غائب ہے۔
پولیس نے بتایا کہ دھوکہ دہی اور جعل سازی کی دفعات میں سشیل کے خلاف مقدمہ درج کر تحقیقات شروع کر دی گئی ہے۔
