اناپورنا فاؤنڈیشن کے صدر بابو لال ساہو کے مطابق حضرت خواجہ غریب نوازؒ درگاہ آنے والے زائرین کی سہولت کےلیے انہیں صرف پانچ روپئے میں کھانا مہیا کیا جائے گا۔ اس تعلق سے ضلع انتظامیہ اور درگاہ کمیٹی کو تجویز پیش کی گئی ہے، اگرچہ درگاہ کمیٹی جلد ہی جگہ دستیاب کراتی ہے تو پانچ روپے میں لذیذ اور عمدہ کھانا زائرین کو دیا جائے گا۔
اجمیر درگاہ زائرین کےلیے 5 روپئے میں کھانا فراہم کرنے کے انتظامات
تاہم درگاہ کمیٹی کے صدر امین پٹھان نے فاؤنڈیشن کو جگہ دستیاب کرانے کی یقین دلایا ہے۔ واضح رہے کہ فاؤنڈیشن کی جانب سے ضرورت مندوں اور مزدوروں کو پانچ روپئے میں کھانا کھلایا جاتا ہے، اب زائرین کو بھی اس سہولت سے فائدہ پہنچانے کے انتظامات کئے جارہے ہیں جبکہ اس میں تعاون کےلیے مختلف تنظیمیں آگے آرہی ہیں۔
