اجمیر: ریاست راجستھان کے اجمیر ضلع کے کشن گڑھ میں آج صبح ایک فیکٹری میں زبردست آگ لگ گئی۔ موصولہ اطلاعات کے مطابق ایس کے پروڈکٹ پاورلوم فیکٹری میں صبح اچانک آگ بھڑک اٹھی۔ آگ اس قدر شدید تھی کہ فیکٹری میں رکھا لاکھوں روپے مالیت کا سامان جل کر خاکستر ہو گیا اور فیکٹری میں موجود شیڈ جلنے کے بعد تباہ ہوگیا۔ Fire at Powerloom Factory in Kishangarh
صبح ہونے کی وجہ سے فیکٹری میں کوئی مزدور موجود نہیں تھا اور کوئی جانی نقصان نہیں ہوا۔ آگ لگنے کی اطلاع ملتے ہی کشن گڑھ پولیس کے ساتھ فائر بریگیڈ کا عملہ بھی موقع پر پہنچ گیا اور کافی کوششوں کے بعد آگ پر قابو پالیا گیا۔ پولیس آگ لگنے کی وجہ کی تحقیقات کر رہی ہے اور آگ لگنے سے نقصان کا بھی اندازہ لگایا جائے گا۔
یہ بھی پڑھیں: Fire in Ajmer اجمیر میں آگ لگنے سے لاکھوں کا نقصان
یو این آئی
