ریاست راجستھان کے ضلع جھالاواڑ میڈیکل کالج کے ڈین ڈاکٹر دیپک گپتا نے ایک سکیورٹی گارڈ پر ہسپتال انتظامیہ کی لاپرواہی کا غصہ نکال دیا۔ ڈین نے ہسپتال میں تعینات گارڈ کو تھپڑ مارا اور ناقابل اعتراض جملوں کا استعمال کیا۔
جھالاواڑ میڈیکل کالج کے ڈین ڈاکٹر دیپک گپتا کی شرمناک حرکت ای ٹی وی بھارت کے کیمرے میں قید ہوگئی۔ جس میں وہ کووڈ 19 وارڈ کے سیکیورٹی گارڈ پر ہاتھ اٹھاتے ہوئے دکھائی دے رہے ہیں۔ ساتھ ہی ڈین سیکیورٹی گارڈ کو ناقابل اعتراض جملوں کا استعمال کر رہے ہیں۔
یہ معاملہ بدھ کے روز کی دیر رات کا ہے، جب کووڈ ۔19 وارڈ میں ڈیوٹی کرنے والے رہائشی ڈاکٹر نے نرسنگ عملہ اور وارڈ بوائے نہ ہونے کے بارے میں اسپتال کے عہدیداروں سے شکایت کی، لیکن انتظام نہیں ہوسکا۔ اس کے بعد میڈیکل کالج کے ڈین ڈاکٹر گپتا خود وہاں پہنچے اور ہیلتھ ورکرز کی لاپرواہی کا غصہ وارڈ پر تعینات سیکیورٹی گارڈ پر نکال دیا۔
یہ بھی پڑھیں: بھارت ۔ چین کشیدگی: راہل کا مودی حکومت سے سوال
ڈین نے وہاں موجود ایک اور سیکیورٹی گارڈ سے بدسلوکی کی۔ ڈین اس کے بعد بغیر ماسک کے کووڈ 19 وارڈ میں ایک اور سیکیورٹی اہلکار سے بھڑ گئے۔
