ریاست میں جاری سیاسی ہنگامہ آرائی کے دوران رکن اسمبلی دانش ابرار نے کہا کہ دوسری پارٹی کے لیڈران کہہ رہے ہیں کہ کانگریس پارٹی دو خیموں میں تقسیم ہوگئی ہے لیکن ان کی یہ بات سراسر غلط ہے۔
انہوں نے کہا کہ تمام کانگریس ارکان اسمبلی بشمول اشوک گہلوت اور سچن پائلٹ، سبھی لوگ کانگریس کے پرچم تلے ایک ہیں بس تھوڑی سی نا اتفاقی ہے اور کچھ نہیں، جو جلد ہی ٹھیک ہوجائے گی اور حالات پہلے کی طرح ہوجائیں گے۔
دانش ابرار نے مزید کہا کہ 'ہر سیاسی جماعت میں اس طرح کے اتار چڑھاؤ آتے رہتے ہیں یہ کوئی نئی بات نہیں ہے لیکن لوگ اسے گروپ بندی کہہ رہے جوبالکل غلط ارو بے بنیاد ہے۔
ریاستی کانگریس دفتر سے سچن پائلٹ کے پوسٹر ہٹانے کے معاملے پر دانش ابرار نے کہا کہ 'جن لوگوں نے بھی یہ تمام کام کیا ہے ان پر کاروائی ہونی چاہیے۔
واضح رہے کہ گزشتہ تین دنوں سے جاری سیاسی ہلچل کے دوران کانگریس پارٹی کی میٹنگ طلب کی گئی تھی جس میں تمام ارکان اسمبلی کو شرکت کرنے کی ہدایت دی گئی تھے لیکن سچن پائلٹ اس میٹنگ میں شریک نہیں ہوئے تھے جس کے بعد سے یہ بحث تیز ہوگئی ہے کہ شاید سچن پائلٹ کو وہیپ کی خلاف ورزی کی پاداش میں پارٹی سے بر طرف کر دیا جائے۔
اب یہ دیکھنا دلچسپ ہوگا کہ یہ سیاسی اونٹ کس کروٹ بیٹھتا ہے۔
