ڈونگر پور تشدد: مظاہرین کے خلاف کارروائی کا مطالبہ

لوگوں کا کہنا ہے کہ 'مظاہرے کی آڑ میں ایس ٹی مظاہرین دوسری ذاتوں کو نشانہ بنا رہے ہیں۔ گھروں کو جلایا جا رہا ہے۔ ہوٹلوں، دکانوں اور گاڑیوں میں آگ لگائی جا رہی ہے۔'

ریاست راجستھان کے ڈونگر پور میں ایس ٹی امیدوار گذشتہ 3 دن سے قومی شاہراہ 8 پر مظاہرہ کررہے ہیں۔

بتایا جا رہا ہے کہ 'آس پاس کے علاقوں میں مظاہرین توڑ پھوڑ بھی کررہے ہیں۔ قومی شاہراہ 8 سے گزرنے والی گاڑیوں پر پتھراؤ بھی کر رہے ہیں، جس کی وجہ سے ہفتہ کے روز 'سرو سماج' کے لوگ کلکٹریٹ پہنچ کر اپنے تحفظ کا مطالبہ کیا۔

سرو سماج کے لوگوں نے کلکٹر اور ایس پی سے مظاہرین کے خلاف کارروائی کا مطالبہ کیا ہے۔

لوگوں کا کہنا ہے کہ 'مظاہرے کی آڑ میں ایس ٹی مظاہرین دوسری ذاتوں کو نشانہ بنا رہے ہیں۔ گھروں کو جلایا جا رہا ہے۔ ہوٹلوں، دکانوں اور گاڑیوں میں آگ لگائی جا رہی ہے۔'

لوگوں کا غصہ پولیس کے رویے کو لے کر بھی ہے۔

سرو سماج کے لوگوں نے کہا کہ 'جہاں پولیس کو ان کی مدد کرنی چاہئے، وہاں پولیس خود کو بھی نہیں بچا پا رہی ہے۔ پولیس تماشائی بنی ہوئی ہے۔'

وہیں احتجاج کے دوران کھیرواڑہ میں فائرنگ کی اطلاع بھی ہے، جس میں ایک نوجوان کی موت ہوگئی ہے۔

وزیراعلیٰ نے ڈونگر پور کے صورتحال کا جائزہ لیا ہے۔ انہوں نے مظاہرین سے امن و امان برقرار رکھنے کی اپیل کی۔ نیز یہ بھی کہا کہ حکومت جائز مطالبات پر غور کرنے کے لئے ہر وقت تیار ہے۔