راجستھان کے دارالحکومت جے پور میں مکر سکرانتی کا تہوار قومی یکجہتی اور بھائی چارہ کے ماحول میں منایا جا رہا ہے۔ حاجی پور میں کربلا علاقے میں مسلم تنظیم "کربلا یووا شانتی اور سدھار سمیتی" کی جانب سے ایک پروگرام منعقد کیا گیا، اس پروگرام میں علاقے سے گزرنے والے چھوٹے بچوں کے درمیان پتنگ اور چاکلیٹ تقسیم کی گئی۔
پروگرام کے مہمان خصوصی مقامی تھانہ کے عہدیدار سوربھ تیواری رہے۔
اس کیمپ کا انعقاد صبح دس بجے شروع ہوا اور شام تک مسلسل طور پر جاری رہا۔ کیمپ میں ایک ایک مخصوص پیغام دینے والا بینر بھی آویزاں کیاگیا تھا۔ بینر میں کورونا وبا سے تحفظ کے لئے ماسک لگانے کا پیغام دیا گیا تھا۔
اس بینر میں وزیر اعلی اشوک گہلوت کا کورونا سے متعلق جاری کردہ رہنما خطوط اور مکر سکرانتی کے پیش نظر جاری پیغامات کا بھی تذکرہ تھا
اس پروگرام کی دارالحکومت جے پور میں ہر سمت تعریف ہو رہی ہے ۔
