راجستھان کے بھیلواڑا ڈسٹرکٹ سپرنٹنڈنٹ پولیس اور لیگل سروسز اتھارٹی کے سکریٹری نے بھیلواڑا میں کورونا انفیکشن کی وجہ سے نافذ سخت لاک ڈاؤن کے تحت عام مسلم معاشرے کے ذریعہ کھانا تقسیم کے انتظامات کا معائنہ کیا۔
بھیلواڑا کے ضلع ایس پی وکاس شرما نے کہا کہ عام مسلم معاشرے کے ذریعہ ضرورت مندوں کے لئے مفت غذا کا نظام چلایا جارہا ہے جو ایک سچی خدمت ہے، کورونا وبا کے اس دور میں ضرورت مندوں کو کھانا مہیا کرانا ایک بڑی ذمہ داری ہے۔ یہ نیک عمل مسلم معاشرے کے لوگوں کے ذریعے بڑی سنجیدگی سے انجام دیا جا رہا ہے۔
معائنہ کرنے کے ساتھ ہی افسران نے کھانے کا معیار اور ذائقہ بھی نوش فرمایا۔ انہوں نے سماجی کارکن کے اس کار خیر کا خیرمقدم کیا۔
اس کام کو نیکی کی مثال قرار دیتے ہوئے انہوں نے کہا کہ اس دور میں ہر سماج کے سبھی طبقہ کے لوگ آگے آرہے ہیں اور کورونا کو شکست دینے میں مدد فراہم کررہے ہیں۔ مسلم معاشرے کی طرف سے مساکین کے لئے کی گئی یہ پہل نیک اور بہترین عمل ہے۔ انہوں نے سماجی کارکن کے اس کار خیر کا خیرمقدم کیا۔
واضح رہے کہ بھیلواڑہ میں مسلم سماج کے نوجوانوں کے ذریعے گیارہ روز سے مسلسل پندرہ سو کھانے کے پیکٹس ضرورت مندوں کو گھر گھر پہنچائے جا رہے ہیں۔ سماجی کارکن محمد یعقوب اور محمد طاہر خان سمیت کئی مسلم نوجوان نیک کاموں کو انجام دے رہے ہیں۔
