ریاست راجستھان کے اجمیر شریف درگاہ میں زائرین کو سہولیات فراہم کرانے کی نسبت سے درگاہ میں مختلف ترقیاتی کاموں کو انجام دیا جا رہا ہے۔
دراصل درگاہ کے تنگ دروازوں کو وسیع کرنے کا کام کیا جا رہا ہے، تاکہ درگاہ میں زائرین کو آمد ورفت میں مشکلات کا سامنا نہ کرنا پڑے۔
درگاہ کمیٹی کے صدر امین پٹھان سمیت تمام ممبران کی موجودگی میں 'انجمن دفتر' کے قریب سرکی گیٹ سے ترقیاتی کاموں کا آغاز ہو چکا ہے۔
اس موقع پر انجمن سکیٹری سید واحد حسین انگارہ سمیت کئی ذمہ داران موجود تھے۔
واضح رہے کہ حضرت خواجہ غریب نواز کی درگاہ میں آنے والے زائرین کی تعداد میں اضافہ ہوتا جا رہا ہے، ایسے میں اب درگاہ کے دروازوں کو وسیع کیا جانا بے حد ضروری تھا۔
یہ بھی پڑھیں: 'جرائم کے لیے بے روزگاری، انٹرنیٹ اور بڑھتی آبادی ذمہ دار'
یہی وجہ ہے کہ درگاہ کمیٹی نے بلند دروازہ سے قبل نوبت خانہ گیٹ، چار نمبر اور پانچ نمبر سرکی گیٹ سمیٹ صندلی گیٹ کو چوڑا کیا جا رہا ہے۔
