کوٹپوتلی معاملے میں دلت اور مسلم تنظیموں کی جانب سے راجستھان کے وزیراعلی اشوک گہلوت CM Ashok Gehlot سے مطالبہ کیا جا رہا ہے کہ اس معاملے میں شامل افراد کے خلاف سخت سے سخت کارروائی عمل میں لائی جائے۔
اس معاملے پر دلت مسلم ایکتا منچ کے ریاستی صدر عبدالطیف کا کہنا ہے کہ راجستھان کے کوٹ پوتلی علاقے میں جس طرح کا واقعہ نظر آیا ہے۔ وہ کافی شرمناک ہے۔
انہوں نے کہا کہ پہلے ہی انتظامیہ اور پولیس کو آگاہ کر دیا گیا تھا کہ ہم لوگوں کی جانب سے جو بارات آئے گی اس میں کوئی حادثہ ہو سکتا ہے۔ اس کے پیش نظر پانچ تھانوں کی پولیس کو موقع پر تعینات کیا گیا تھا لیکن پولیس کی موجودگی میں جس طرح کا معاملہ پیش نظر آیا، وہ کافی شرمناک ہے۔
انہوں نے کہا کہ ہم راجستھان کے وزیراعلی اشوک گہلوت سے مطالبہ کرتے ہیں کہ اس معاملے میں شامل لوگوں کے خلاف سخت کارروائی کی جائے۔
یہ بھی پڑھیں: Stone Pelting on Dalit Groom: شرپسندوں کے خلاف کارروائی کا مطالبہ
واضح رہے کہ 25 نومبر جمعرات کو جے پور کے کوٹپوتلی علاقہ میں پولیس کی موجودگی میں دلت برادری کے دلہے کی شادی میں پتھراؤ کیا گیا تھا۔
