لاک ڈاؤن کی وجہ سے ایسے افراد روزانہ دھندہ کاروبار کرتے اپنا اور اپنے گھر والوں پیٹ پالتے ہیں ایسے خاندان پر کافی زیادہ اثر پڑ رہا ہے اس کے لیے اب سماجی تنظیمیں بھی آگے آنے لگی ہے اس کا اندازہ اس بات سے لگایا جاسکتا ہے کہ جے پور کی النسرا فاؤنڈیشن کے ممبران ہر ضرورت مند خاندان کو اشیائے خوردنی کٹ تقسیم کرتی ہوئی نظر آئی۔
النسرا فاؤنڈیشن کے ممبران کی جانب سے پہلے روز 25 ضرورت مند خاندانوں کو اشیائے خوردنی تقسیم کی گئی، اس کِٹ میں آٹا، چاول، دال اور دیگر چیزیں تھیں۔
اس بابت ڈاکٹر نیلوفر خان نے بتایا کہ 'ہماری تنظیم کی یہی کوشش ہے کہ لاک ڈاؤن کے درمیان کوئی بھی خاندان بھوکا نہ، سوئے اس کا ہم پورا خیال رکھ رہے ہیں اور جیسے ہی ہمیں کوئی اطلاع ملتی ہے ہم اس خاندان کے پاس فوراً پہنچ جاتے ہیں اور ان کی مدد کرتے ہیں۔
واضح رہے کہ کورونا وائرس کے پیش نظر 22 مارچ کو وزیراعلی اشوک گہلوت کی جانب سے ریاست میں 31 مارچ تک لاک ڈاؤن کا اعلان کیا گیا تھا ایسے میں جو لوگ روزانہ کی بنیاد پر کمائی کرتے ہیں ان کے لیے سماجی تنظیمیں آگے آ کر مدد کر رہی ہیں۔
