ریاست راجستھان کے میڈیکل اور صحت کے وزیر ڈاکٹر رگھو شرما نے کورونا وائرس سے احتیاط برتنے کی ضرورت کو بتاتے ہوئے کہا ہے کہ ریاست میں اس سلسلے میں حالات قابو میں ہیں اور اس ڈرنے کی ضرورت نہیں ہے۔
ڈاکٹر رگھو نے آج اسمبلی احاطے میں میڈیا سے بات کرتے ہوئے یہ بات کہی۔
انہوں نے کہا کہ باہر سے آنے والے لوگوں کی ریاست کے الگ الگ ضلعوں میں جانچ کرکے ہی جانے دیا جارہا ہے۔
انہوں نے کہا کہ آئی سولیشن وارڈ میں سروس دینے والے لوگ بھی کہہ رہے ہیں کہ وہ اس سے ڈرتے نہیں ہیں۔
انہوں نے کہا کہ ریاست میں اس کے دو معاملے پازیٹو پائے گئے ہیں، جو اٹلی کے شہری ہیں اور ان کی حالت بہتر نظر آرہی ہے، حالانکہ اس میں ایک کو آکسیجن پائپ لگا ہے۔
انہوں نے کہا کہ ریاست میں اس سلسلے میں حالات قابو میں ہیں، اور مرکزی حکومت کی گائڈ لائن کے حساب کام کیا جا رہا ہے۔
