ریاست راجستھان کے دار الحکومت جے پور میں کانگریس کی جانب سے پٹرول ڈیزل کی قیمتوں میں ہو رہے اضافے کو لے کر احتجاج کیا گیا، یہ احتجاج بنی پارک علاقے میں واقع یوتھ کانگریس دفتر میں کیا گیا۔
اس پروگرام میں کانگریس رہنماؤں نے مرکزی حکومت کو آڑے ہاتھوں لیا، وہیں اس دوران سماجی دوری کے خلاف ورزی صاف طور پر نظر آئی۔
ریاست کے نائب وزیر اعلی سچن پائلٹ نے میڈیا سے خطاب کرتے ہوئے کہا 'گزشتہ کچھ برسوں سے مسلسل طور پر پٹرول و ڈیزل کی قیمتوں میں جس طرح سے اضافہ ہورہا ہے وہ غلط ہے'۔
انہوں نے کہا 'مودی حکومت عام عوام کیلئے روز بروز غلط فیصلے لے رہی ہے، اس لیے کانگریس جماعت کی قومی صدر سونیا گاندھی نے یہ فیصلہ لیا تھا کہ آج پیر کے روز پورے ملک میں کانگریس جماعت کی جانب سے مہنگائی کو لے کر احتجاج کیا جائے گا'۔
اس احتجاج میں کثیر تعداد میں کانگریس کے کارکنان ریاستی سمیت حکومت میں ٹرانسپورٹ وزیر پرتاپ سنگھ، بجلی وزیر بی ڈی کلہ، خوراک وزیر رمیش مینا، ممتا بھو پیش، راجندر یادو، اسمبلی رکن رفیق خان موجود رہے۔
