جے پور: ٹکٹ تقسیم پر کانگریسی کارکنان کا احتجاج

جے پور میں میونسپل کارپوریشن انتخابات کے پیش نظر ٹکٹ تقسیم میں مستحق امیدواروں کو نظر انداز کے سلسلے میں کانگریسی کارکنان نے احتجاج کیا۔

بھارتی ریاست راجستھان کے جے پور میونسپل کارپوریشن انتخابات کے امیدواروں کے ٹکٹ کو لیکر کانگریسی کارکنان نے ریاستی کانگریس دفتر کے باہر احتجاج کیا۔

اس دوران کانگریس کارکنان نے کشن پول اسمبلی حلقے سے رکن اسمبلی امین کاغذی کے خلاف نعرے بازی کی۔ ان کا الزام ہے کہ امین کاغذی اپنے قریبیوں کو ٹکٹ دلانے کی کوشش کر رہے ہیں اور مستحق امیدواروں کو نظر انداز کیا جا رہا ہے۔

حالانکہ ابھی تک کانگریس پارٹی نے امیدوار کا اعلان نہیں کیا ہے، لیکن کارکنان کے مطابق ٹکٹ تقسیم میں امیدواروں کا نام امین کاغزی نے جو لسٹ بھیجی ہے ان میں ان کے قریبیون کا نام ہے۔

ناراض کانگریس کے کارکنان نے اس دوران کانگریس پارٹی زندہ آباد کے نعرے لگائے اور رکن اسمبلی امین کاغزی کے خلاف نعرے بازی کی۔

غورطلب ہے کہ میونسپل کارپوریش کا انتخاب دو مرحلے میں 29 اکتوبر اور یکم نومبر کو ہونا ہے۔