اجمیر: کانگریس کے رہنما نے خواجہ معین الدین چشتی کی درگاہ پر حاضری دی اور عقیدت کی چادر اور پھول چڑھائے۔ اس دوران درگاہ کے خادم انجمن سید زادگان کے سابق سیکرٹری سید واحد حسین انگارا شاہ نے انہیں زیارت کروائی اور دستاربندی کر تبرک پیش کی۔ حضرت خواجہ غریب نواز رحمۃ اللہ علیہ کے مزار پر عقیدت کے پھول اور چادر پیش کی اور ریاست میں کانگریس کی جیت کے لیے دعا کی۔آئندہ اسمبلی انتخابات میں کانگریس امیدواروں کی فہرست جاری ہونے سے قبل رندھاوا کا اجمیر پہنچنا سیاسی حلقوں میں موضوع بحث بن گیا ہے۔
یہ بھی پڑھیں: First List of Congress راجستھان میں کانگریس نے 33 امیدواروں کی پہلی فہرست جاری کی
میڈیا سے بات چیت کرتے ہوئے رندھاوا نے کہا کہ آج وہ خواجہ صاحب کے در پر انچارج اور لیڈر نہیں بلکہ ایک عقیدت مند کے طور پر آئے ہیں۔ انہوں نے مزید کہا کہ کانگریس پارٹی میں کوئی دراڑ نہیں ہے اور ٹکٹوں کی تقسیم بہت جلد ہونے والی ہے۔ سی ایم اشوک گہلوت اور سچن پائلٹ کے درمیان گروپ بندی کے سوال پر انہوں نے کہا کہ ایسا کچھ نہیں ہے اور نہ ہی دونوں بڑے لیڈروں کی طرف سے کوئی بیان آیا ہے۔ کانگریس پارٹی راجستھان میں بی جے پی سے زیادہ سیٹیں لے کر الیکشن میں کامیابی حاصل کرے گی۔ درگاہ پہنچنے والے کانگریس لیڈر رندھاوا کا استقبال خادم سید قطب چشتی، سید الے بدر چشتی، سید مصبر حسین نے بھی کیا۔
