الور: راہل گاندھی کی بھارت جوڑو یاترا سے متعلق ایک ٹویٹ کو لے کر بی جے پی آئی ٹی سیل کے سربراہ امت مالویہ اور کانگریس کے درمیان لفظی جنگ جاری ہے۔ کانگریس پارٹی نے امت مالویہ پر جھوٹ پھیلانے کا الزام لگایا ہے۔ پارٹی نے کہا ہے کہ مالویہ کو اس جھوٹے ٹویٹ کے لیے راہل گاندھی سے معافی مانگنی چاہیے۔ دراصل امیت مالویہ نے بدھ کے روز ایک ویڈیو شیئر کرتے ہوئے ٹویٹ کیا تھا جس میں لکھا تھاکہ "سابق مرکزی وزیر بھنور جتیندر سنگھ نے راہل گاندھی کے جوتے کے فیتے باندھنے کے لیے گھٹنے کے بل بیٹھ گئے۔ تکبر سے بھرا یہ لیڈر اپنا کام خود نہیں کرتے۔ انہوں نے اپنے ٹوئٹ میں کانگریس صدر کو بھی تنقید کا نشانہ بنایا۔ Delete tweet or face legal action
اس سلسلے میں ای ٹی وی بھارت سے بات کرتے ہوئے جتیندر سنگھ نے کہاکہ بی جے پی بکھلائٹ کا شکار یاترا سے خوفزدہ ہے۔ انہوں نے بھی ایک یاترا بھی شروع کیا جو ناکام رہا، اس میں 5 لوگ بھی جمع نہیں ہوئے۔ اسی لیے بی جے پی لیڈر غلط حربے اپنا رہے ہیں۔ کبھی وہ راہل گاندھی کی ٹی شرٹ کے بارے میں بات کرتے ہیں تو کبھی ان کی داڑھی کے بارے میں، لیکن اس کے بعد بھی یاترا جاری ہے، لیکن اب اس نے حد کر دی ہے۔ انہوں نے کہاکہ راہل گاندھی جو جوتا پہنتے ہیں ان میں فیتے نہیں ہوتے۔ سفر میں چلتے ہوئے میرے جوتے کے فیتے کھل گئے۔ راہل گاندھی نے اس سلسلے اشارہ کیا۔ بی جے پی اس پر پروپیگنڈہ کررہی ہے۔ بی جے پی کو راہل گاندھی سے معافی مانگنی چاہیے۔' Congress Attacks BJP Over Amit Malviya Twitter
جتیندر سنگھ نے کہاکہ بی جے پی یاترا روکنے کی کوشش میں ہے۔ اب وزیر صحت نے کورونا کا بہانہ بنا کر خط بھیجا ہے۔ ان کا کہنا ہے ہزاروں لوگ یاترا میں پیدل چل رہے ہیں۔ ایسے میں کورونا انفیکشن پھیلنے کا خطرہ بڑھ گیا ہے، جبکہ بی جے پی کے لیڈر، وزیر اعظم، وزیر داخلہ ریلی نکال رہے ہیں۔ وگیان بھون اور ملک بھر میں پروگرام چلا رہے ہیں۔ بی جے پی کارکن آپس میں لڑ رہے ہیں اور ایف آئی آر درج کروارہے ہیں۔'
دراصل الور میں بھارت چھوڑو مارچ کے دوران سابق مرکزی وزیر جتیندر سنگھ کے جوتے کے فیتے کھل گئے تھے۔ وہ راہل گاندھی کے ساتھ چل رہے تھے۔ اچانک راہل گاندھی کی نظر ان کے جوتوں پر پڑی، پھر انہوں نے اشارہ کیا۔ اس پر جیتندر سنگھ راہل گاندھی کے سامنے جھک گئے اور اپنے جوتے کے فیتے باندھنے لگے۔ کانگریس لائیو کا یہ ویڈیو سوشل میڈیا پر وائرل ہوگیا۔ اسی ویڈیو کا کلپ شیئر کرتے ہوئے بی جے پی نے راہل گاندھی اور کانگریس صدر کو تنقید کا نشانہ بناتے ہوئے لکھا کہ جتیندر سنگھ راہل گاندھی کے جوتے کا فیتہ باندھ رہے ہیں۔
بی جے پی کے آئی ٹی سیل انچارج امیت مالویہ نے کانگریس کے قومی صدر کو بھی نشانہ بنایا ہے۔ انہوں نے ٹویٹ میں لکھا کہ جتیندر سنگھ راہل گاندھی کے جوتوں کے فیتے باندھ رہے ہیں۔ کانگریس کے قومی صدر کس کنونشن کی بات کر رہے تھے؟
جتیندر سنگھ کو اس کی اطلاع ملتے ہی انہوں نے ہتک عزت کے تحت کارروائی کرنے کی بات کی۔ انہوں نے ایک ٹوئٹ میں لکھا کہ بی جے پی کا آئی ٹی سیل اپنی حرکتوں سے باز نہیں آئے گا۔ اگر اور اس پوسٹ کو ڈیلیٹ نہیں کیا گیا وہ تو آئی ٹی سیل کے خلاف ہتک عزت کا مقدمہ درج کرکے قانونی کارروائی کریں گے۔
مزید پڑھیں:
