اجے چوٹالہ نے کانگریس کو نشانہ بناتے ہوئے کہا کہ وہ ایک اچھوت جماعت ہے۔ اس سے اتحاد تو دور اس کے ساتھ کھڑا ہونا بھی ٹھیک نہیں ہے۔
ہریانہ کے نائب وزیرا علیٰ دُشینت چوٹالہ کے والد اجے چوٹالا منگل کی رات دیر رات جے پور پہنچے۔ جہاں ان کے حامیوں نے ان کازوردار استقبال کیا۔
اس موقع پر جے پور شہر کے رکن پارلیمان رامچرن بوہرا نے بھی انہیں پھولوں کا ہار پہنایا اور ان کا استقبال کیا۔
در اصل اجے چوٹالہ ہریانہ کے نائب وزیر اعلی دشینت چوٹالہ کے والد ہیں، جنھیں حال ہی میں تہاڑ جیل سے پیرول ملا ہے۔
اطلاع کے مطابق جے جے پی کے بانی اجے چوٹالہ نے پہلے سالاسر بالاجی کا درشن کیا اور اس کے بعد جے پور پہنچے۔
میڈیا سے بات کرتے ہوئے اجے چوٹالہ نے کہا کہ کانگریس کا کام الزام لگانا ہے۔ اگر وہ ان کی حمایت کرتے ہیں تو انہیں اچھا لگتا ہے۔
انہوں نے کہا کہ ہم ہمیشہ کانگریس کے مخالفت کرتے رہے ہیں اور ہمیشہ ان کے خلاف لڑتے رہے ہیں۔ ایسی صورتحال میں ان کے ساتھ اتحاد کرنا دور کی بات ہے۔
چوٹالہ نے کہا کہ ہریانہ میں کانگریس قائدین آپس کی لڑائی میں مصروف ہیں، لہذا ہریانہ میں کانگریس مکمل طور پر ختم ہوگئی ہے۔
انہوں نے بتایا کہ راجستھان سے ان کا پرانا تعلق ہے۔ جب وہ راجستھان میں رکن اسمبلی تھے تو بھی انہوں نے بھیرو سنگھ شیخاوت کے دور میں دو بار حکومت بنانے کے لئے انہوں نے بی جے پی کی حمایت کی تھی۔
اجے چوٹالہ نے کہا کہ آج پارٹی جہاں بھی ہے اس میں کارکنان کا بہت بڑا کردار ہے۔
انہوں نے کہا کہ اب وہ ترقی کے معاملے میں ہریانہ کو آگے لے جانے کا کام کریں گے۔
انہوں نے دشینت کی تعریف کرتے ہوئے کہا کہ ہمیں فخر ہے کہ کم عمر میں ہی رکن پارلیمان بن گئے اور پھر نائب وزیر اعلیٰ منتخب ہوئے۔
