مذہبی مقامات کو کھولنے کے لئے کاروباریوں ںے احتجاج کیا

راجستھان کے اجمیر شریف میں کاروباریوں ںے مذہبی مقامات کو کھولنے کے لئے احتجاج کیا۔ احتجاج کر رہے لوگوں کا کہنا تھا کہ جب سب کچھ کھولا جا سکتا ہے تو پھر مذہبی مقامات کو بند کیوں رکھا گیا ہے۔

راجستھان کے اجمیر شریف شہر میں مقامی تاجروں اور دکانداروں نے اجمیر ویاپار (کاروباری) مہا سنگھ کے بینر تلے گہلوت حکومت کے خلاف احتجاجی مظاہرہ کیا۔

عالمی مشہور حضرت خواجہ معین الدین چشتی رضی اللہ تعالی عنہ کی درگاہ کے باہر مقامی تاجر اور دکانداروں نے اجمیر ویاپار مہاسنگھ کے تحت گہلوت حکومت کے خلاف نعرے بازی کی اور مظاہرہ کیا۔ احتجاج کر رہے لوگوں کا کہنا تھا کہ کووڈ 19 کی ہدایات کے تحت مذہبی مقامات کو بند کر دیے جانے پریشانیوں کا سامنا کرنا پڑ رہا ہے جبکہ سرکار نے شراب کی دکان کو کھولنے کی اجازت دی ہے۔

مظاہرین نے گہلوت حکومت سے مطالبہ کیا ہے کہ جلد ہی مذہبی مقامات کو عقیدت مندوں اور سیاحوں کے لیے کھول دیا جائے۔ ساتھ ہی انہوں نے کہا کہ اگر مذہبی مقامات کو جلد نہیں کھولا گیا تو گہلوت حکومت کے خلاف آئندہ بڑے پیمانے پر احتجاجی مظاہرہ کیا جائے گا۔